Kondekorashon Real 2025
Okashon General | Kondekorashon Real 2025
Riba djabièrnè 25 di aprel 2025 Gobernador di Kòrsou, S.E. Lucille George-Wout, na nòmber di Su Mahestat Rei Willem-Alexander, a kondekorá 12 siudadano kurasoleño i 1 siudadano hulandes durante un seremonia ofisial na Kas di Gobernador na Fort Amsterdam. E personanan akí a risibí un kondekorashon real pa aktividatnan partikularmente meritorio pa komunidat. Méritonan ku ta indispensabel pa komunidat di Kòrsou i ku konsiudadanonan no a keda sin nota.
E siguiente personanan a haña un kondekorashon:
Ofisial den Órden di Oranje-Nassau (Officier in de Orde van Oranje-Nassau)
- señor dr. M.D. Winedt, pa mérito riba tereno di e.o. bida religioso, herensia kultural i igualdat.
Kabayero den Órden di Oranje-Nassau (Ridder in de Orde van Oranje-Nassau)
- señora H.M.L.A. Maduro-Molhuysen, pa mérito riba tereno di historia kultural;
- señora D. Tyrol-Carolus, pa mérito riba tereno di e.o. kombatimentu di pobresa i kuido di monumento.
Miembro den Órden di Oranje-Nassau (Lid in de Orde van Oranje-Nassau)
- señor G.A. Adriana, pa mérito riba tereno di bienestar hubenil i di pashènt;
- señor O.P.M. Betrian, pa mérito riba tereno di bida religioso, bienestar i koheshon sosial;
- señor L.A.P. Casper, pa mérito riba tereno di músika i bida religioso;
- señor R.L. James, pa mérito riba tereno di bida religioso, kombatimentu di pobresa i enseñansa;
- señor dr. H. Landman, pa mérito riba tereno di genealogia;
- señor A.M. Legrand, pa mérito riba tereno di deporte di kana i konservashon di naturalesa;
- señor E.A. Martis, pa mérito riba tereno di bida religioso, bienestar hubenil i músika;
- señor I.A. Meijer, pa mérito riba tereno di enseñansa, futbol i masoneria;
- señor A.J.S. Virginie, pa mérito riba tereno di media, kuido i bienestar.
Gobernador a otorgá un kondekorashon real di Kabayero den Órden di Oranje-Nassau (Ridder in de Orde van Oranje-Nassau) na señora S.M.R. Lűckman-Meijer pa mérito riba tereno di kultura i enseñansa, tambe den Hulanda Karibense. Riba petishon di Kapítulo pa Órden Sivil (Kapittel voor de Civiele Orden) , señora Lűckman-Meijer a haña su kondekorashon na Kòrsou debí na su estadía temporal aki.