E posishon i e tareanan di Gabinete di Gobernador ta dedusí for di tarea, kompetensia i responsabilidat legal di Gobernador.
E tareanan di gabinete ta deskribí den e dekreto di Institushon di Gabinete di Gobernador di Kòrsou.
Gabinete ta:
- señalá i analisá desaroyonan polítiko, atministrativo i sosial;
- sostené Gobernador ku formashon di gobièrnu nobo.
Gabinete ta:
- evaluá proyekto di ordenansa i dekreto nashonal ku ministernan ta ofresé na Gobernador;
- ehekutá tareanan konsular na nòmber di Gobernador. Esaki ta inkluí entrega di pasport i visa, i tratamentu di aplikashon pa optené nashonalidat hulandes;
- sòru pa entrega di aplikashon spesial pa pèrmit di sobrebuelo i bishita di haf na outoridat di Kòrsou;
- prepará dekreto di ekstradishon.
Gabinete ta:
- mantené kontakto ku otro órgano di gobièrnu (denter di, i pafó di reino);
- sostené Gobernador ku resepshon i bishita;
- traha sita ku i pa Gobernador;
- trata karta i petishon dirigí na Gobernador.