Riba djabièrnè 24 di aprel 2026 Su Ekselensia Gobernador Mauritsz de Kort a otorgá dieskuater siudadano un Kondekorashon Real na nòmber di Su Mahestat Rei Willem-Alexander. Esaki a tuma lugá durante un seremonia ofisial na Fort Amsterdam, den Palasio di Gobernador.
A kondekorá e siudadanonan aki pa nan méritonan ehemplar na benefisio di komunidat di Kòrsou i ku a hala atenshon di ko-siudadanonan.
A kondekorá e siguiente personanan ku un honor di Kas Real:
Ofisial den Òrden di Oranje-Nassau (Officier in de Orde van Oranje-Nassau)
- Señor Willem Frederik Winkel, pa su méritonan riba tereno di kuido di salú.
Kabayero den Òrden di Oranje-Nassau (Ridder in de Orde van Oranje-Nassau)
- Señor Daniël Sickman Corsen, pa su méritonan riba tereno di bienestar di hubentut.
- Señor Urny Lupo Florán, pa su méritonan riba tereno di beisbòl.
- Señor Franciscus Georgina Maria Heijtel, pa su méritonan riba tereno di kuido di salú mental.
- Señor Glenn Egbert Matroos, pa su méritonan riba tereno di kuido di salú mental.
- Señor Alton Candido Paas, pa su méritonan riba tereno di interes di pashènt, bienestar di personanan ku limitashon i inklushon.
- Señora Stella Maria Pieters Kwiers, pa su méritonan riba tereno di desaroyo sosial i kultural.
Miembro den Òrden di Oranje-Nassau (Lid in de Orde van Oranje-Nassau)
- Señora Leonilda Sofia Curie, pa su méritonan riba tereno di bienestar di hubentut i detenidonan.
- Señora Mercée Marie Thérèse Doran, pa su méritonan riba tereno di músika i bienestar di hubentut.
- Señora Ingrid Melania Haile-Hato, pa su méritonan riba tereno di edukashon, bienestar di hubentut i músika.
- Señora Liesbeth Agnes Luis-Calister, pa su méritonan riba tereno di asistensia sosial i vòlibòl.
- Señor Roland Fridolino Antonio Rooi, pa su méritonan riba tereno di entre otro, bienestar di hubentut, bida religioso i asistensia sosial.
- Señora Karin Antonia Aurora Soleana, pa su méritonan riba tereno di kuido di kriansa (pleegzorg) i bienestar en general.
- Señor Glenn Teófilo Thomas, pa su méritonan riba tereno di medionan di komunikashon i bienestar di hubentut.
Gobernador Mauritsz de Kort i e dieskuater kondekoradonan.