E prosedura akí generalmente ta dura aproksimadamente un aña despues di entrega di e solisitut pa siudadania hulandes.
| Kiko e solisitante ta hasi? | Kiko gabinete di gobernador ta hasi? | Kiko IND ta hasi? | |
|---|---|---|---|
| 1. | Solisitá informashon. | Suministrá informashon. | |
| 2. | Hasi tèst di naturalisashon* (si mester). | ||
| 3. | Mustra dokumento na gabinete di gobernador i (laga) yena formulario di naturalisashon i sobrá formulario. | Verifiká outentisidat di dokumentonan i kontrolá si nan ta kompleto. Yena formularionan (huntu ku e solisitante). | |
| 4. | Paga gastu (sènnan di naturalisashon). | ||
| 5. | Investigá i evaluá e solisitut. | ||
| 6. | Kompletá dokumentonan (si mester). | ||
| 7. | Manda e fail pa IND, huntu ku e konseho. | ||
| 8. | Evaluá e fail ku e konseho. | ||
| 9. |
Den kaso di otorgamentu: presentá solisitut di naturalisashon na Su Mahestat Rei, ku ta firma e Dekreto Real. Den kaso di rechaso: redaktá dekreto di rechaso i manda esaki pa gabinete di gobernador. | ||
| 10. |
Den kaso di otorgamentu: invitá e solisitante pa e seremonia di naturalisashon. Den kaso di rechaso: informá e solisitante tokante di e desishon. Gabinete di gobernador ta entregá e desishon personalmente. | ||
| 11. |
Den kaso di otorgamentu: presensiá seremonia di naturalisashon i presta deklarashon di solidaridat (huramentu òf promesa). Den kaso di rechaso: eventualmente entregá opheshon. | ||
| 12. |
Renunsiá otro nashonalidat (si mester). |
* Por haña mas informashon tokante di e prueba di naturalisashon den e foyeto akí di Sentro di Ekspertisio pa Prueba i Èksamen (ETE).
| Produkto | Gastu |
|---|---|
| naturalisashon; singular; standart | Cg. 2,373,- |
| naturalisashon; kolektivo; standart | Cg. 3,029,- |
| naturalisashon; singular; rebahá** | Cg. 1,765,- |
| naturalisashon; kolektivo; rebahá** | Cg. 2,423,- |
| naturalisashon; menor di edat ku tambe ta naturalisá | Cg. 350,- |
* Anualmente ta indeksá e gastunan pa solisitut di siudadania hulandes dor di opshon òf naturalisashon.
** Klek e link akí pa lesa den párafo 2.5 kua kaso e tarifa rebahá pa solisitut di naturalisashon ta aplikabel.
Kliente por paga ku tarheta na florin karibense (XCG) na Gabinete di Gobernador di Kòrsou.
Foyeto
Den nos foyeto 'Kon bo por bira Hulandes? E prosedura na Kòrsou' por lesa mas tokante di ámbos prosedura pa bira hulandes na Kòrsou.
- Klek aki pa lesa e foyeto na Papiamentu.
- Klik hier om de brochure in het Nederlands te lezen.
- Haga clic aquí para leer el folleto en Español.
- Click here to read the brochure in English.
Riba e página akí di IND por lesa mas informashon tokante ken por bira hulandes pa medio di naturalisashon. Ta informá tambe tokante e rekisitonan ku mester kumpli kuné i kon e proseso ta kana.