Pa medio di Dekreto Real di 4 di yüli 2025 a nombra Mauritsz J. de Kort komo Gobernador di Kòrsou drentando na vigor riba 4 di novèmber 2025.
Gobernador Mauritsz J. de Kort
Esaki a sosodé riba rekomendashon di Konseho di Minister di Kòrsou, ku aprobashon di Konoseho di Minister di Reino.
Riba 7 di novèmber 2025 el a asumí e kargo ofisialmente durante un reunion solèm di Parlamento di Kòrsou.
Gobernador di Kòrsou
Fecha di nasementu
13 di ougùstùs 1973
Lugá di nasementu
Aruba (e tempu ei Antia Hulandes)
Nashonalidat
Hulandes
Estado sivil
Kasá
Señor De Kort a kuminsá su karera komo abogado na Kòrsou. El a traha regularmente tambe komo abogado na Aruba, Boneiru, Sint Maarten, Sint Eustatius i Saba.
Na 2007 el a kambia pa Korte Komun di Hustisia. Ei el a traha promé komo ámtenar hudisial den formashon. For di 2011 el a ehersé e funshon di hues i miembro di Korte. Na 2017 a nombra señor De Kort komo visepresidente di Korte ku responsabilidat pa e establesimentunan na Kòrsou i Boneiru. Di 2022 pa fin di 2025 el a ehersé e funshon di Presidente di Korte di Hustisia.
Banda di su trabou señor De Kort a hasi diferente aktividat sekundario i trabou boluntario. Por ehèmpel, el a duna lès komo dosente invitá na Fakultat Hurídiko di University of Curaçao. Tambe e tabata miembro di Cultuurfonds Caribisch Gebied, kaminda el a representá Kòrsou.
Despues di kaba skol sekundario señor De Kort a sigui e estudio Heao di Maneho, Ekonomia i Lèi na Arnhem, ku spesialisashon den Banko i Seguro. Despues el a studia lèi na Universidat di Leiden, kaminda el a gradua den direkshon di Derecho Empresarial. Djis despues señor De Kort a haña un Master of Laws na University of London.
Pòrtrèt Gobernador De Kort
Uso di pòrtrèt
E derecho di outor riba e pòrtrètnan den e sekshon akí ta pertenesé na Gabinete di Gobernador di Kòrsou. Por usa e pòrtrètnan menshonando:
Ta pèrmití pa usa e pòrtrètnan pa notisia, den espasio públiko, pa uso personal i pa propósito edukativo. No ta pèrmití uso pa propósito polítiko, komersial ni idealista. Tampoko ta pèrmití pa adaptá e pòrtrètnan. Gabinete di Gobernador di Kòrsou ta reservá e derecho pa aktua si e ta konsiderá ku e uso di un pòrtrèt ta kontra dignidat di e puesto di gobernador.
