Pa medio di Dekreto Real di 10 di novmber 2025, señora Ruthsella Agueda Jansen a wòrdu nombra Gobernador Interino di Kòrsou drentando na vigor riba 4 di novèmber 2025
Gobernador Interino Ruthsella Agueda Jansen
Pa medio di Dekreto Real di 10 di novèmber 2025, señora Ruthsella Agueda Jansen a wòrdu nombra Gobernador Interino di Kòrsou drentando na vigor riba 4 di novèmber 2025. E nombramentu ta valido pa un período di seis aña. E desishon aki a tuma lugá riba rekomendashon di Konselho di Minister di Kòrsou, ku aprobashon di Konoseho di Minister di Reino.
Riba 26 di novèmber 2025 señora Jansen a hasi prestashon di huramentu dilanti di Gobernádor Mauritsz De Kort.
Desèmber 2025, durante un seshon solèm di Staten di Kòrsou, señora Jansen lo akseptá su kargo ofisialmente.
Señora Jansen a nase 5 di februari 1959 na Kòrsou. E a studia sosiologia na Universidad di Tilburg, ku un spesialisashon den sosiologia di organisashon. Ora e bolbe Kòrsou, e la kuminsá traha pa gobièrnu di Kòrsou; prome na Sociaal Economisch Planbureau despues na e servisio di Asuntonan Ekonomiko, i final na Departamento di Finansa.
Di aki señora Jansen a pasa pa Maduro & Curiel’s Bank, kaminda e la okupa varios kargo riba tereno di maneho. Te promé ku señora Jansen a baha ku penshun den 2024, e tabata Assistant Managing Director.
Aparte di su trabou na banko, señora Jansen tabata miembro i vice-presidente di Stichting Pensioenfonds MCB N.V. i di Stichting Pensioenfonds Caribbean Mercantile Bank N.V.. E tabata miembro di Klachtadviescommissie di e Gemeenschappelijk Hof, i tabata Cónsul Honorario di Canada na Kòrsou. Ademas, señora Jansen ta miembro di Quota Club na Kòrsou.
Pòrtrèt Gobernador Interino Ruthsella Agueda Jansen
Uso di pòrtrèt
E derecho di outor riba e pòrtrètnan den e sekshon akí ta pertenesé na Gabinete di Gobernador di Kòrsou. Por usa e pòrtrètnan menshonando:
© Gabinete di Gobernador di Kòrsou.
Ta pèrmití pa usa e pòrtrètnan pa notisia, den espasio públiko, pa uso personal i pa propósito edukativo. No ta pèrmití uso pa propósito polítiko, komersial ni idealista. Tampoko ta pèrmití pa adaptá e pòrtrètnan. Gabinete di Gobernador di Kòrsou ta reservá e derecho pa aktua si e ta konsiderá ku e uso di un pòrtrèt ta kontra dignidat di e puesto di gobernador.